Ödəniş və geri qaytarma

Abunə planının necə işlədiyi, yeniləmə, plan dəyişikliyi və geri qaytarma qaydaları.

Son yenilənmə:

1. Abunə necə işləyir

AI Menecer aylıq abunə planı ilə işləyir (hər dövr 30 gündür). Hər planın aylıq cavab limiti var: köməkçinin ziyarətçiyə verdiyi hər cavab bir cavab sayılır. Səsin mətnə çevrilməsi, operator üçün AI qaralaması və sual təhlili limitə yazılmır.

Qeydiyyatda bir dəfə pulsuz sınaq verilir: 100 cavab, 14 gün ərzində (hansı tez bitsə). İstifadə olunmamış cavablar növbəti dövrə keçmir.

Limitin 80%-i və hamısı işlənəndə e-poçtla xəbər veririk. Limit dolanda köməkçi ziyarətçilərə cavab vermir, əvəzinə əlaqə forması göstərilir (müraciətlər itmir).

Əlavə paket (məs. +500 cavab) plan limiti dolanda işlənir və alındığı tarixdən 12 ay qüvvədədir. Paket yalnız aktiv planla alınır.

2. Yeniləmə, yüksəltmə və ləğv

Plan avtomatik uzanmır və kartdan avtomatik pul tutulmur. Dövr bitməyə 3 gün qalmış e-poçtla xatırladırıq. Vaxtında yeniləsən, yeni dövr köhnəsinin bitdiyi gündən başlayır: heç bir gün itmir.

Dövr bitəndən sonra 3 günlük güzəşt müddəti var. Bu müddətdə yeniləsən də yeni dövr köhnəsinin bitdiyi gündən sayılır. Güzəştdən sonra köməkçi dayanır; bilik bazan və ayarların saxlanılır.

Yüksəltmə: bahalı plana keçəndə yalnız cari dövrün qalan günləri üçün fərqi ödəyirsən; yeni limit və imkanlar dərhal açılır, dövrün bitmə tarixi dəyişmir.

Ucuz plana keçid növbəti dövrdən olur: cari dövr ödənildiyi planla başa çatır.

Ləğv: planı yeniləməmək kifayətdir, xidmət dövrün sonunda dayanır. Ödənilmiş dövr qaytarılmır.

3. Ödəniş

Ödənişlər Azərbaycan manatı (AZN) ilə, lisenziyalı ödəniş provayderi vasitəsilə bank kartı ilə qəbul olunur. Kart məlumatlarını biz görmürük və saxlamırıq. Məbləğ sifarişdən əvvəl paneldə göstərilir.

Ödəniş təsdiqlənən kimi plan və ya paket aktivləşir və təsdiq məktubu göndərilir.

4. Geri qaytarma

Ödənilmiş abunə dövrü və əlavə paketlər geri qaytarılmır və nağdlaşdırılmır: nə ödənişdən sonra, nə dövrün ortasında ləğv edəndə, nə də hesab bağlananda. Pulsuz sınaqla əvvəlcədən yoxlamağı məsləhət görürük.

Yalnız bu hallarda pul geri qaytarılır:

  • Səhv tutulma: texniki xəta ilə artıq məbləğ çıxılıbsa və ya ödəniş iki dəfə keçibsə, artıq hissə tam qaytarılır.
  • Xidməti biz dayandırsaq: platforma fəaliyyətini dayandırarsa, ödənilmiş dövrün istifadə olunmamış günləri və paketlərin qalığı qaytarılır.
  • qanunla tələb olunan digər hallar.

5. Geri qaytarılmayan hallar

  • ödənilmiş dövrün istifadə olunmuş və ya olunmamış hissəsi (cavab limitindən az istifadə də daxil olmaqla);
  • müddəti (12 ay) bitmiş və ya istifadə olunmamış əlavə paketlər;
  • yüksəltmə zamanı ödənilmiş fərq;
  • pulsuz sınaq, bonus, promo və ya admin tərəfindən verilən plan;
  • şərtlərin pozulmasına görə dayandırılmış hesab.

6. Səhv tutulma barədə necə müraciət etmək olar

support@aimenecer.com ünvanına hesabının e-poçtu, ödənişin tarixi və məbləği ilə yaz. Müraciətə 10 iş günü ərzində baxırıq.

Təsdiq olunan məbləğ ödənişin edildiyi karta qaytarılır. Pulun karta düşməsi bankdan asılı olaraq 5–15 iş günü çəkə bilər.

7. Ödəniş mübahisələri

Ödənişlə bağlı problem olduqda bankda mübahisə (chargeback) açmazdan əvvəl bizə yaz: əksər halları bir neçə gün ərzində həll edirik. Mübahisə açıq olduğu müddətdə hesab müvəqqəti məhdudlaşdırıla bilər.

8. Qiymət dəyişiklikləri

Plan qiymətləri və ya limitləri dəyişərsə, ən azı 14 gün əvvəl e-poçt və ya panel vasitəsilə xəbər veririk. Artıq ödənilmiş dövr köhnə şərtlərlə başa çatır; yeni şərtlər növbəti yeniləmədən tətbiq olunur.

Xidməti göstərən
AI Menecer
Əlaqə
support@aimenecer.com
Ödəniş və geri qaytarma · AI Menecer